ប៉ុន្មានឆ្នាំមុនបន្ទាប់ពី Rolls-Royce បានបង្ហើបពីគម្រោងក្នុងការអភិវឌ្ឍរថយន្តតួខ្ពស់ថ្មីសន្លាងមួយទៀត ពេលនេះការពិតគ្មានអីសង្ស័យទៀតទេ។ ក្រុមហ៊ុនបានបញ្ចេញឈ្មោះរថយន្តជំនាន់ថ្មីនោះ មានឈ្មោះថា Cullinan (ខាលីនិន ជាឈ្មោះគ្រាប់ពេជ្រមិនទាន់ច្នៃធំជាងគេបំផុត)។ លោក Torsten Müller-Ötvös អគ្គនាយកក្រុមហ៊ុនរថយន្ត Rolls-Royce មានប្រសាសន៍ថា ឈ្មោះ Cullinan បានលេចឡើងតាំងពីយើងបានបង្ហាញឈ្មោះនេះ ត្រឹមតែជាឈ្មោះគម្រោងនៅឡើយកាលពីប៉ុន្មានឆ្នាំមុន។ Cullinan គឺជារថយន្តទីពីរ ដែលត្រូវធ្វើឡើងដោយប្រើប្រាស់បច្ចេកវិទ្យាស្ថាបត្យកម្មប្រណីត ទើបតែប្រកាសថ្មីៗនេះ និងជាបច្ចេកវិទ្យាថ្មីរបស់ក្រុមហ៊ុនដែលប្រើតួអាលុយមីញ៉ូម។ ភាពភ្លឺរលោងរបស់រថយន្តនេះគឺពិសេសដាច់គេ និងគ្មានគូប្រៀប ហើយគ្រប់ជ្រុងទាំងអស់របស់រថយន្ត Rolls-Royce Cullinan គឺសុទ្ធតែបញ្ចេញនូវពន្លឺភ្លឺរលោង។ លោក Müller-Ötvös។ លោកថា Cullinan គឺជាម៉ូដែលរថយន្តដែលមានគោលបំណងច្បាស់លាស់។ រថយន្តនេះប្រៀបបាននឹងគ្រាប់ពេជ្រ Cullinan ជាគ្រាប់ពេជ្រដ៏ល្អ និងធំបំផុតដែលពុំធ្លាប់បានរកឃើញកាលពីមុនមក ហើយរថយន្តនេះនឹងបង្ហាញខ្លួននៅពេលច្នៃរួចយ៉ាងល្អឥតខ្ចោះ និងលើសពីរថយន្តផ្សេងទៀត”។
![](https://blogger.googleusercontent.com/img/b/R29vZ2xl/AVvXsEi-UV9BQxIlKhcX34k5_ZzRTNRk3BjSzpMhyphenhyphenKgAEnz44D4vdBY8ogdtEs7trbCIkl688mTTrsT8ATvaMegoXQjZMlMDiBXlrkMpPxPBTVw5wMiFXWOaGzsdBZN7jr3k6iI12t2c1V4ssqA/s320/b75a85ae98254081f9054cee74532ea029aeaf5b_large.jpg)
![](https://blogger.googleusercontent.com/img/b/R29vZ2xl/AVvXsEjuI32wWPV7HYl8QiqLVUuJLt8mOxhjwCp1VWuhdhwK1-R-HFPbPkoLlJAy_8LtOnfwS9VmqznB_CE7A3tbHTDyTjos_L5Nl8Ab4QGQXdgom2Euz-FuQw-RJnC3cHKJ_VRQpGAy2C_U4yw/s320/feccbd809b75d5153c0e04a0f23eeb64635d9d79_large.jpg)