នៅថ្ងៃទី ២៥ ខែកុម្ភៈខាងមុខ Samsung នឹងប្រកាសចេញ Galaxy S9/S9+ ជាផ្លូវការ។ ទន្ទឹមនឹងនេះក្រុមហ៊ុនបានបញ្ចេញវីដេអូស្ប៉តចំនួន ៣ ដែលមានបង្ហាញតម្រុយខ្លះៗអំពីស្មាតហ្វូនត្រកូល S ជំនាន់ថ្មី។ វីដេអូស្ប៉តទាំង ៣ មានវីដេអូមួយដែលទទួលបានការចាប់អារម្មណ៍ខ្លាំង ដោយសារមានបង្ហាញខ្លះៗអំពីមុខងារថ្មីលើ Galaxy S9/S9+ ដែលស្រដៀងគ្នាទៅនឹង iPhone X ដែរ។ មុខងារដែលបង្ហាញនោះគឺការបង្កើតនូវរូប Emoji មានកាយវិការ ដោយផ្អែកតាមផ្ទៃមុខរបស់មនុស្ស ដែល Apple ហៅវាថា Animoji។ ទស្សនាវីដេអូខាងក្រោមនៅវិនាទីទី ៩ ៖ រដឹងសារព័ត៌មានកូរ៉េខាងត្បូង ETNews បានចេញផ្សាយកាលពីថ្ងៃពុធកន្លងទៅ ដោយអះអាងថា Galaxy S9/S9+ នឹងមានមុខងារ Emoji 3D ដែលមានល្អប្រសើរជាង Animoji របស់ iPhone X។ មុខងារនេះដំណើរការដោយអ្នកប្រើប្រាស់អាចជ្រើសរើសរូបតុក្កតាបែប 3D ដើម្បីឲ្យវាធ្វើកាយវិការផ្ទៃមុខត្រាប់តាមមនុស្ស តាមរយៈ Sesnor ចំណាំផ្ទៃមុខរបស់ Galaxy S9/S9+។
![](https://blogger.googleusercontent.com/img/b/R29vZ2xl/AVvXsEhENAvSjo_OJpawpVsY9uUMHclxjqhCbqqwwnaJRNQdV-BANuN5KiOeXRolOmtHsKy5Kj7kLYewsc4elWy-ZAFdYD3IWpmJGcpKlEZZiPH1d9wYlFjhCNdSw7j-BxuC6asW9tly5KwILos/s320/s9-s9_large.jpg)
![](https://blogger.googleusercontent.com/img/b/R29vZ2xl/AVvXsEjU4YU3DM0FzcFsqOaDuLfuIqs9YCrNJJ7tlglkGBBlg9O-OFimfYKsAO98uaeVircDatU2OxYPpgCgiJRiuQVo1QYiw9MNR9YHfHDFVuN09O2XmspVaFiDOQifnUs87wfgP7ikrixIZ2c/s320/emery_large.jpg)
No comments:
Post a Comment