កាលពីឆ្នាំ ២០១៣ Facebook បានទិញយកក្រុមហ៊ុនមួយឈ្មោះ Onavo Protect ដែលជំនាញលើ ប្រព័ន្ធ VPN។ ពេលនេះបណ្ដាញសង្គមយក្សបានជំរុញប្រព័ន្ធនេះនៅលើឧបករណ៍ iOS ដើម្បីតាមដានទម្លាប់ប្រើអ៊ីនធឺណិតរបស់អ្នកប្រើប្រាស់។ នៅលើកម្មវិធី Facebook អ្នកនឹងឃើញមុខងារថ្មីមួយឈ្មោះថា "Protect”។ ពេលចុចលើវា អ្នកនឹងចូលទៅដល់ផ្ទាំង App Store នៃកម្មវិធី "Onavo Protect – VPN Security”។ សម្រាប់អ្នកដែលមិនដឹង VPN ដំណើរការដោយការពារទិន្នន័យរបស់អ្នកប្រើប្រាស់ និងកុំឲ្យក្រុមហ៊ុនអ៊ីនធឺណិត ឬ វិបសាយតាមដានអ្នកប្រើប្រាស់បាន។ យ៉ាងណាក្ដី Facebook ទិញយក Onavo ក្នុងហេតុផលផ្ទុយពីនេះ។ តាមការចុះផ្សាយរបស់ The Wall Street Journal ក្រុមហ៊ុន Facebook ទិញយក Onavo Protect ដើម្បីតាមដានទម្លាប់ប្រើប្រាស់អ៊ីនធឺណិតរបស់អ្នកប្រើ Facebook។ នៅក្នុង Description របស់កម្មវិធី Onavo Protect ក៏មានសរសេរពីគោលបំណងថា ៖ "ជាផ្នែកមួយនៃដំណើរការ Onavo ប្រមូលយក Traffic នៃការប្រើអ៊ីនធឺណិតលើទូរសព្ទរបស់អ្នក។ ធ្វើដូចនេះអាចឲ្យយើងកាន់តែល្អប្រសើរ និងផ្ដល់ដំណើរការសេវាកម្ម Onavo តាមរយៈការវិភាគលើការប្រើវិបសាយ, កម្មវិធី និងទិន្នន័យរបស់អ្នក"។
![](https://blogger.googleusercontent.com/img/b/R29vZ2xl/AVvXsEjhcfZVxb5caNPoZQTjW75mW27bii6nwE5xNLOEDill7mv97yfFziIReirndNG0kAX2kWkHRETSNaEP_KDzH1oJzYK4GI6tOMHt-hArN1DmCM7r9XhiEdcr0-qQZEwVKpFZphS7GF6TcfM/s320/facebook-protect-vpn-236x420_large.jpg)
![](https://blogger.googleusercontent.com/img/b/R29vZ2xl/AVvXsEhaAlBY1pjMNjXABTCWhzVLclvqMJktMv5FZH0sokJEASKbJOQDvNef8Ek6Kr1b3YrlqTDyicN0xg6ZeJxGp3hIIyd7LBqyUBuB2HqXRPenxZawQp2vMF0oGggpr4f9pOUr1OiZQpHDEx0/s320/face_large.jpg)
No comments:
Post a Comment