Publicworldknowledge: February 2018

Thursday, February 15, 2018

Rolls-Royce ចេញរថយន្តជំនាន់ថ្មី បង្ហើបឈ្មោះពិតប្រាកដហើយ

ប៉ុន្មានឆ្នាំមុនបន្ទាប់ពី Rolls-Royce បានបង្ហើបពីគម្រោងក្នុងការអភិវឌ្ឍរថយន្តតួខ្ពស់ថ្មីសន្លាងមួយទៀត ពេលនេះការពិតគ្មានអីសង្ស័យទៀតទេ។ ក្រុមហ៊ុនបានបញ្ចេញឈ្មោះរថយន្តជំនាន់ថ្មីនោះ មានឈ្មោះថា Cullinan (ខាលីនិន ជាឈ្មោះគ្រាប់ពេជ្រមិនទាន់ច្នៃធំជាងគេបំផុត)។ លោក Torsten Müller-Ötvös អគ្គនាយកក្រុមហ៊ុនរថយន្ត Rolls-Royce មានប្រសាសន៍ថា ឈ្មោះ Cullinan បានលេចឡើងតាំងពីយើងបានបង្ហាញឈ្មោះនេះ ត្រឹមតែជាឈ្មោះគម្រោងនៅឡើយកាលពីប៉ុន្មានឆ្នាំមុន។ Cullinan គឺជារថយន្តទីពីរ ដែលត្រូវធ្វើឡើងដោយប្រើប្រាស់បច្ចេកវិទ្យាស្ថាបត្យកម្មប្រណីត ទើបតែប្រកាសថ្មីៗនេះ និងជាបច្ចេកវិទ្យាថ្មីរបស់ក្រុមហ៊ុនដែលប្រើតួអាលុយមីញ៉ូម។ ភាពភ្លឺរលោងរបស់រថយន្តនេះគឺពិសេសដាច់គេ និងគ្មានគូប្រៀប ហើយគ្រប់ជ្រុងទាំងអស់របស់រថយន្ត Rolls-Royce Cullinan គឺសុទ្ធតែបញ្ចេញនូវពន្លឺភ្លឺរលោង។ លោក Müller-Ötvös។ លោកថា Cullinan គឺជាម៉ូដែលរថយន្តដែលមានគោលបំណងច្បាស់លាស់។ រថយន្តនេះប្រៀបបាននឹងគ្រាប់ពេជ្រ Cullinan ជាគ្រាប់ពេជ្រដ៏ល្អ និងធំបំផុតដែលពុំធ្លាប់បានរកឃើញកាលពីមុនមក ហើយរថយន្តនេះនឹងបង្ហាញខ្លួននៅពេលច្នៃរួចយ៉ាងល្អឥតខ្ចោះ និងលើសពីរថយន្តផ្សេងទៀត”។

CPU Core i3 ថ្មីរបស់ Intel ផ្ដល់ល្បឿនទ្វេដងដល់ Laptop ប្រភេទស្ដើងស្រាល

Intel បានបង្ហាញវត្តមាន Processor Core i3 ជំនាន់ទី ៨ ថ្មីគោលដៅសំខាន់ផ្ដោតលើល្បឿន Laptop ប្រភេទ Ultraportable (ល្បឿនលឿន ស្រាលងាយយកតាមខ្លួន)។ Core i3-8130U ជាប្រភេទ Dual-core CPU មាន ៤ Threads, Clocked នៅកម្រិត 2.2GHz អាចបង្កើនដល់ 3.4GHz។ ជាមួយនឹង CPU នេះ អ្នកនឹងទទួលបាន Graphic ជាប់បន្ថែមជាទម្រង់ UHD Graphics 620, Chip មាន15W TDP (Thermal Design Power) និងអាចប្រើជាមួយនឹងប្រព័ន្ធ DDR4-2400 (RAM)។ Core i3 ថ្មីនេះស្រដៀងនឹងស៊េរី Kaby Lake របស់ Intel ប៉ុន្តែលឿនជាងដោយប្រព័ន្ធ RAM លឿន ក៏ដូចជា Architecture ថ្មី។ ក្រុមហ៊ុនបញ្ជាក់ថា អ្នកនឹងឃើញមានលើ Laptop ថ្មីៗជាច្រើនជាមួយនឹង CPU Core i3-8130U៕

Galaxy Note 9 អាចនឹងមិនមានទ្រនាប់ស្កេនម្រាមដៃបង្កប់ក្រោមអេក្រង់នោះទេ

ព័ត៌មានជាច្រើនជុំវិញ Samsung Galaxy Note 9 មានមុខងារស្កេនក្រយៅដៃបង្កប់ក្នុងអេក្រង់ ប្រហែលជាមិនអាចទៅរួចនោះទេ សម្រាប់ពេលនេះ។ យោងតាម ប្រភពជាច្រើនពីក្នុងរោងចក្រ Samsung បានបង្ហាញទៅអ្នកផ្គត់ផ្គង់ខ្លួនថា នឹងបំពាក់មុខងារស្កេននៅខាងក្រោយដដែល។ ថ្វីបើដូច្នេះ តែ Samsung កំពុងបន្តដំណើរការស្វែងរកដំណោះស្រាយលើបច្ចេកវិទ្យាមួយនេះ។ ក្រុមហ៊ុនមិនទាន់ទាំងជ្រើសរើសអ្នកផ្គត់ផ្គង់ ឬបច្ចេកវិទ្យាប្រើសម្រាប់មុខងារស្កេនក្នុងអេក្រង់នៅឡើយទេ។ ដោយជម្រើសមានច្រើនរួមមាន Ultrasonic scanner ពី Qualcomm, Optical ពី Beyond Eyes, In-house Scanner ពី Samsung ផ្ទាល់, IGES TEC របស់ Taiwan ឬបានពី Synaptics។ Samsung Galaxy Note 9 អាចនឹងចាប់ផ្ដើមផលិត នៅខែ មិថុនា និងប្រកាសនៅខែសីហា ដែលប្រហែលជាមិនទាន់ពេល មានវត្តមានមុខងារនេះនោះទេ។ Samsung Galaxy S9 នឹងប្រកាស នៅថ្ងៃទី ២៥ ខែកុម្ភៈ ឆ្នាំនេះ នៅព្រឹត្តិការណ៍ MWC ២០១៨ ក៏នឹងមិនមានបច្ចេកវិទ្យាស្កេនបង្កប់ក្នុងអេក្រង់នោះដែរ។ វត្តមានមុខងារដ៏កម្រនេះ ទំនងមានលើជំនាន់ក្រោយៗពីនឹង ដូចជា Samsung Galaxy S10 ឬ Samsung Galaxy Note 10 នៅឆ្នាំបន្ទាប់៕

ប្រធាន HTC ប្រកាសឈប់ភ្លាមៗ មិនមានអ្នកជំនួស

ប្រធាន HTC ប្រកាសឈប់ភ្លាមៗ មិនមានអ្នកជំនួស ក្រោយពីរស់នៅក្រុមហ៊ុន HTC បាន ៦ ឆ្នាំ លោក Chialin Chang ដែលជាប្រធានផ្នែកទូរសព្ទ បានលាលែងពីតំណែងភ្លាមៗ កាលពីថ្ងៃទី ១៤ កុម្ភៈកន្លងទៅ ដោយលើកហេតុផលថា ព្រោះគម្រោងការងារផ្ទាល់ខ្លួន។ ចចាមអារ៉ាមផ្សាយលោក Chang ចង់បង្កើតក្រុមហ៊ុន AI។ អ្វីដែលជាបញ្ហានោះគឺលោក Cher Wang នាយកប្រតិបត្តិក្រុមហ៊ុន HTC មិនបានប្រកាសឈ្មោះអ្នកស្នងតំណែងលោក Chang នោះទេ ហើយប្រធានផ្នែកទូរសព្ទរូបនេះលាលែងខណៈពេលដែល HTC U12 ត្រៀមប្រកាសចេញទៀតផង។ អ្វីដែលជាបញ្ហានោះគឺលោក Cher Wang នាយកប្រតិបត្តិក្រុមហ៊ុន HTC មិនបានប្រកាសឈ្មោះអ្នកស្នងតំណែងលោក Chang នោះទេ ហើយប្រធានផ្នែកទូរសព្ទរូបនេះលាលែងខណៈពេលដែល HTC U12 ត្រៀមប្រកាសចេញទៀតផង។ ការលាលែងពីតំណែងនេះកើតមានរយៈពេលប៉ុន្មានថ្ងៃ ក្រោយពី HTC ប្រកាសពីរបាយការណ៍ហិរញ្ញវត្ថុប្រចាំខែមករា ដែលបន្តធ្លាក់ចុះ ១៥,៣ % បើធៀបនឹងខែធ្នូ ហើយធ្លាក់ចុះ ២៧% ធៀបនឹងខែមករា ឆ្នាំ ២០១៧៕

Facebook ខូចម្ល៉េះ! លួចបន្ថែមមុខងារថ្មីនេះ ដើម្បីតាមដានអ្នកប្រើប្រាស់

កាលពីឆ្នាំ ២០១៣ Facebook បានទិញយកក្រុមហ៊ុនមួយឈ្មោះ Onavo Protect ដែលជំនាញលើ ប្រព័ន្ធ VPN។ ពេលនេះបណ្ដាញសង្គមយក្សបានជំរុញប្រព័ន្ធនេះនៅលើឧបករណ៍ iOS ដើម្បីតាមដានទម្លាប់ប្រើអ៊ីនធឺណិតរបស់អ្នកប្រើប្រាស់។ នៅលើកម្មវិធី Facebook អ្នកនឹងឃើញមុខងារថ្មីមួយឈ្មោះថា "Protect”។ ពេលចុចលើវា អ្នកនឹងចូលទៅដល់ផ្ទាំង App Store នៃកម្មវិធី "Onavo Protect – VPN Security”។ សម្រាប់អ្នកដែលមិនដឹង VPN ដំណើរការដោយការពារទិន្នន័យរបស់អ្នកប្រើប្រាស់ និងកុំឲ្យក្រុមហ៊ុនអ៊ីនធឺណិត ឬ វិបសាយតាមដានអ្នកប្រើប្រាស់បាន។ យ៉ាងណាក្ដី Facebook ទិញយក Onavo ក្នុងហេតុផលផ្ទុយពីនេះ។ តាមការចុះផ្សាយរបស់ The Wall Street Journal ក្រុមហ៊ុន Facebook ទិញយក Onavo Protect ដើម្បីតាមដានទម្លាប់ប្រើប្រាស់អ៊ីនធឺណិតរបស់អ្នកប្រើ Facebook។ នៅក្នុង Description របស់កម្មវិធី Onavo Protect ក៏មានសរសេរពីគោលបំណងថា ៖ "ជាផ្នែកមួយនៃដំណើរការ Onavo ប្រមូលយក Traffic នៃការប្រើអ៊ីនធឺណិតលើទូរសព្ទរបស់អ្នក។ ធ្វើដូចនេះអាចឲ្យយើងកាន់តែល្អប្រសើរ និងផ្ដល់ដំណើរការសេវាកម្ម Onavo តាមរយៈការវិភាគលើការប្រើវិបសាយ, កម្មវិធី និងទិន្នន័យរបស់អ្នក"។

Samsung បង្ហាញមុខងារដែល Galaxy S9 ចម្លងពី iPhone X

នៅថ្ងៃទី ២៥ ខែកុម្ភៈខាងមុខ Samsung នឹងប្រកាសចេញ Galaxy S9/S9+ ជាផ្លូវការ។ ទន្ទឹមនឹងនេះក្រុមហ៊ុនបានបញ្ចេញវីដេអូស្ប៉តចំនួន ៣ ដែលមានបង្ហាញតម្រុយខ្លះៗអំពីស្មាតហ្វូនត្រកូល S ជំនាន់ថ្មី។ វីដេអូស្ប៉តទាំង ៣ មានវីដេអូមួយដែលទទួលបានការចាប់អារម្មណ៍ខ្លាំង ដោយសារមានបង្ហាញខ្លះៗអំពីមុខងារថ្មីលើ Galaxy S9/S9+ ដែលស្រដៀងគ្នាទៅនឹង iPhone X ដែរ។ មុខងារដែលបង្ហាញនោះគឺការបង្កើតនូវរូប Emoji មានកាយវិការ ដោយផ្អែកតាមផ្ទៃមុខរបស់មនុស្ស ដែល Apple ហៅវាថា Animoji។ ទស្សនាវីដេអូខាងក្រោមនៅវិនាទីទី ៩ ៖ រដឹងសារព័ត៌មានកូរ៉េខាងត្បូង ETNews បានចេញផ្សាយកាលពីថ្ងៃពុធកន្លងទៅ ដោយអះអាងថា Galaxy S9/S9+ នឹងមានមុខងារ Emoji 3D ដែលមានល្អប្រសើរជាង Animoji របស់ iPhone X។ មុខងារនេះដំណើរការដោយអ្នកប្រើប្រាស់អាចជ្រើសរើសរូបតុក្កតាបែប 3D ដើម្បីឲ្យវាធ្វើកាយវិការផ្ទៃមុខត្រាប់តាមមនុស្ស តាមរយៈ Sesnor ចំណាំផ្ទៃមុខរបស់ Galaxy S9/S9+។

ទាយមើល រវាង Ronaldo និង Neymar គ្រូ PSG ចង់បាននរណាជាង

មួយរយៈចុងក្រោយនេះ មានពាក្យចចាមអារ៉ាមជាច្រើនដែលថាខ្សែប្រយុទ្ធ Neymar អាចនឹងចាកចេញទៅក្លឹប Real Madrid នៅក្នុងរដូវកាលក្រោយ។ មិនតែប៉ុណ្ណោះ មានរបាយការណ៍ខ្លះហ៊ានទាំងអះអាងថា ក្លឹបយក្សអេស្ប៉ាញនឹងយក Cristiano Ronaldo ធ្វើជាថ្នូរ ដើម្បីដូរយក Neymar ពី PSG ទៀតផង។ ដោយឡែកកាលពីពេលថ្មីៗនេះ អ្នកចាត់ការក្លឹប PSG លោក Unai Emery បានបង្ហាញចំណាប់អារម្មណ៍របស់ខ្លួនទាក់ទិននឹងពាក្យហ្នឹង។ ក្នុងសន្និសីទសារព័ត៌មាន នៅពេលសួរថា រវាង Cristiano Ronaldo និង Neymar តើលោកចង់បាននរណាជាង លោកអ្នកចាត់ការ Emery បាននិយាយថា៖ "តាមពិតទៅ សំណួរនេះអាចនិយាយបានថា ពិបាកក្នុងការឆ្លើយក៏បាន ឬស្រួលក៏ថាបាន។ វាអាស្រ័យទៅតាមការយល់ឃើញរបស់មនុស្សម្នាក់ៗ"។ សូមបញ្ជាក់ផងដែរថា Neymar ទើបតែចាកចេញពីក្លឹបអ្នកមានបុណ្យ Barcelona មកចូលរួមជាមួយក្លឹបអ្នកមាន PSG កាលពីខែសីហាឆ្នាំមុនប៉ុណ្ណោះ ក្នុងតម្លៃផ្ទេរថ្លៃបំផុតក្នុងពិភពបាល់ទាត់ ២២២លានអឺរ៉ូ (ជាង ២៧០លានដុល្លារសហរដ្ឋអាមេរិក)។ Real Madrid នឹងបើកទ្វារស្វាគមន៍ PSG ក្នុងជំនួបជើងទី១ Champions League នៅយប់ថ្ងៃនេះ៕

Ronaldo រកបាន២គ្រាប់ ជួយក្រុម Real Madrid ឈ្នះ PSG

ខ្សែប្រយុទ្ធ Cristiano Ronaldo នៅតែធ្វើបានល្អដដែល ដោយបានជួយក្រុម Real Madrid ឈ្នះក្រុម PSG ក្នុងលទ្ធផល ៣-១ នៃវគ្គ១៦ក្រុមចុងក្រោយពានរង្វាន់ UEFA Champions League ។ ក្រុម PSG លេងបានល្អដែរនៅវគ្គដំបូង ដោយអាចរកគ្រាប់បាល់បាន១គ្រាប់មុន ដោយកីឡាករ Adrien Rabiot នៅនាទី៣៣នៃ វគ្គទី១។ ការនាំមុខនេះបានត្រឹមតែ១០នាទីប៉ុណ្ណោះ ពោលគឺនាទី៤៥ Ronaldo ទទួលបានបាល់ប៉េណាល់ទី ១គ្រាប់វិញ តាមស្មើ១-១។ ចូលដល់វគ្គទី២នេះ ក្រុមទាំងពីរមានឱកាសរៀងខ្លួនប៉ុន្តែមិនទាន់អាចរកគ្រាប់បាល់បានទេ ដោយត្រូវរង់ចាំដល់នាទី៨៣ ទើបកំពូលកីឡាករ Ronaldo អាចថែមគ្រាប់ទី២ឱ្យ Real បាន។ នៅជិតចប់ការប្រកួតទៅហើយ Marcelo ដែលជាខ្សែការពារពូកែឡើងស៊ី អាចថែមបានគ្រាប់ទី៣ ក្រោយពីទទួលបានបាល់ពី Asensio ។ ចប់ការប្រកួតក្រុមម្ចាស់ផ្ទះ Real Madrid បានយកឈ្នះលើក្រុម PSG ក្នុងលទ្ធផល ៣-១៕

កីឡាករបរទេស៨នាក់នេះនឹងក្រឡុកលីគកម្ពុជារដូវកាលថ្មី

លីគកម្ពុជានឹងចាប់ផ្តើមរដូវកាល២០១៨នាខែមីនា ខាងមុខនេះហើយ ខណៈក្រុមកម្ពុជាកំពុងរៀបចំពង្រឹងក្រុមដោយនាំចូលកីឡាករថ្មីៗ ប៉ុន្តែក្រុមខ្លះក៏មិនទានលេចឮដំណឹងនាំចូលសមាជិកថ្មីដែរ។ តាមដានមើលកីឡាករបរទេស៨នាក់នេះដែលមានបទពិសោធលើឆាកអន្តរជាតិ។ កីឡាករខ្លះជាចំណូលថ្មីសម្រាប់លីគ២០១៨នេះ តែក៏មានកីឡាករខ្លះធ្លាប់ក្នុងលីគកម្ពុជា១ឬ២រដូវកាលហើយ។ ១- Lee Jun-hyeob របស់ក្រសួងការពារជាតិ Lee ជាកីឡាករសញ្ជាតិកូរ៉េខាងត្បូងក្រសួងការពារជាតិដែកលេងជាខ្សែប្រយុទ្ធ។ រូបគេធ្លាប់លេងជាយុវជនក្លឹបសាកលវិទ្យាល័យ Kwandong មុនពេលបោះជំហានចូលក្លឹបធំ Gangwon FC ឆ្នាំ២០១០ និងចូលក្លឹបកូរ៉េខាងត្បូង Ulsan Hyundai Mipo Dockyard ឆ្នាំ២០១១។ ឆ្នាំ២០១២ រូបគេទៅក្លឹប Gangneung City និងឆ្នាំ២០១៤ទៅក្លឹបអាល្លឺម៉ង់ Eintracht BraunschweigII ប៉ុន្តែឆ្នាំ២០១៧វិលចូលក្លឹប Gangeung FC។ ឆ្នាំ២០១៨នេះរូបគេសម្រេចចូលរួមជាមួយក្លឹបកម្ពុជា ក្រសួងការពារជាតិ។ ២- Jorrin John របស់ភ្នំពេញក្រោន John ជាកីឡាករដែលមានដើមកំណើតនៅទីក្រុង Leicester ប្រទេសអង់គ្លេសលេងក្នុងតំណែងប្រយុទ្ធដែលទើបចូលរួមជាមួយភ្នំពេញក្រោននាឆ្នាំ២០១៨នេះ។ កាលពីយុវជន រូបគេលេងនៅ Aston Villa និង Leicester City។ កីឡាកររូបនេះលេងក្រុមធំ Leicester Cityរដូវកាល២០១០-១១ និងក្លឹបជើងឯកថៃ Muangthong United ឆ្នាំ២០១១ និងក្លឹបមួយចំនួនទៀតពីឆ្នាំ២០១២ដល់២៩១៧។ រូបគេធ្លាប់ជាយុវជនជម្រើសជាតិអង់គ្លេសអាយុ១៦ឆ្នាំដល់អាយុ១៩ឆ្នាំតាំងពីឆ្នាំ២០០៧ដល់ឆ្នាំ២០១៣។ សព្វថ្ងៃ John ជាសមាជិកក្រុមជម្រើសជាតិ Antigua and Bartuda។ ៣-Jonny Campbell របស់ភ្នំពេញក្រោន

Ronaldo ក្លាយជាកីឡាករល្អដាច់គេរកបាន១០០គ្រាប់នៅ Champions League

ការរកគ្រាប់បាល់បានក្នុងការប្រកួតយប់មិញនេះ ធ្វើឱ្យ Cristiano Ronaldo ក្លាយជាកីឡាករដំបូងគេដែលអាចរកបាន១០០គ្រាប់ឱ្យក្លឹបតែមួយក្នុងការប្រកួតពានរង្វាន់ UEFA Champions League ។ អាយុច្រើន ប៉ុន្តែហាក់ដូចជាមិនមែនជាបញ្ហាសម្រាប់កីឡាករ Ronaldo ឡើយ ដោយរូបគេតែងតែរកគ្រាប់បាល់បានជានិច្ច ជាពិសេសក្នុងការប្រកួតធំៗ។ ជាក់ស្ដែងក្នុងការប្រកួតទល់ក្រុម PSG នេះ កីឡាករមានប្រាក់ពលកម្មច្រើនជាងគេនៅ Real Madrid នេះ រកបាន២គ្រាប់ជួយក្រុមឱ្យឈ្នះ ៣-១ ថែមទៀត។

Liverpool សង្ឃឹមឡើងវគ្គបន្ដខ្លាំង ក្រោយស៊ី Porto ៥-០ ជើងទី១

ក្រុម Liverpool បានយកឈ្នះលើក្រុម Porto ក្នុងលទ្ធផល ៥-០ នៃវគ្គ១៦ក្រុមចុងក្រោយពានរង្វាន់ UEFA Champions League កាលពីយប់មិញនេះ។

ក្នុង FC Porto មែន ប៉ុន្តែក្រុមហង្សក្រហមរបស់អង់គ្លេសហាក់ដូចជាធ្វើបានល្អខ្លាំងមែនទែន ដោយអាចរកគ្រាប់បាល់បានដល់ទៅ៥គ្រាប់ឯណោះ។ ៥គ្រាប់ដែលរកបាននោះធ្វើបានដោយកីឡាករ Mane៣គ្រាប់ Salah ១គ្រាប់និង Firmino ១គ្រាប់។ ជ័យជម្នះ គឺធ្វើឱ្យក្រុមរបស់លោក Klopp កាន់តែមានសង្ឃឹមឆ្លងទៅវគ្គបន្ដហើយ ត្បិតអីជើងទី ២នឹងលេងនៅទឹកដីរបស់ហង្សថែមទៀតនោះ។

ប្រភពពីបារាំង៖ Pogba ស្ដាយក្រោយដែលចោល Juv ទៅ Man Utd

ប្រភពព័ត៌មានពីបារាំងបានផ្សាយថា Paul Pogba ចាប់ផ្ដើមស្ដាយក្រោយដែលផ្ទេរទៅលេងនៅ Manchester United។

ខ្សែបម្រើការពារវ័យ២៤ឆ្នាំបានចាកចេញពី Juventus កាលពីឆ្នាំ២០១៦ដើម្បីវិលទៅលេងឲ្យក្លឹបបិសាចក្រហមក្នុងតម្លៃ១០០លានអឺរ៉ូ។ នៅរដូវកាលនេះ Pogba ស៊ុតបញ្ចូលទីបាន៣គ្រាប់ និងបញ្ជូនឲ្យមិត្តរួមក្រុមស៊ុតបាន១០ដង ប៉ុន្តែប្រភពពី L'Équipe អះអាងថារូបគេមិនសប្បាយចិត្តប៉ុន្មានទេ។ ទំនាក់ទំនងរបស់កីឡាករសញ្ជាតិបារាំងជាមួយគ្រូបង្វឹកហាក់ល្អក់កករ ពិសេសរបៀបលេងរបស់ក្រុម មិនធ្វើឲ្យរូបគេសប្បាយចិត្តដូចកាលនៅជាមួយ Juventus ឡើយ។ ប្រភពដដែលអះអាងថា Pogba ស្ដាយក្រោយដែលចាកចេញពីអ៊ីតាលី ពិសេសរើសយក United ដោយចោល Real Madrid៕

ក្រោយចូលក្លឹបស្វាយរៀង សួន សុវណ្ណ សម្លឹងគោលដៅធំមួយទៀត

អតីតកីឡាករវេស្ទើនភ្នំពេញ សួន សុវណ្ណ បានវិវត្តខ្លួនចូលក្លឹបអាជីពធំនៃលីគបាល់ទាត់កំពូលកម្ពុជា ព្រះខ័នរាជស្វាយរៀង ដែលជាក្តីស្រមៃរបស់គេក្នុងអាជីពបាល់ទាត់ ប៉ុន្តែរូបគេសម្លឹងឃើញគោលដៅធំមួយទៀតដែលរូបគេចង់សម្រេចឲ្យខាងតែបាន។

សួន សុវណ្ណ ដែលមានដើមកំណើតខេត្តស្ទឹងត្រែងជាកន្លែងពុំសូវមានកីឡាករមកលេងលីគច្រើនបាននិយាយថា រូបគេពិតជាសប្បាយរីករាយ និងស្ទើររកពាក្យអ្វីមកនិយាយឲ្យសមគ្មានសម្រាប់ឱកាសដ៏ល្អដែលរូបគេបានចូលរួមជាមួយក្លឹបអាជីពធំ ព្រះខ័នរាជស្វាយរៀង។ រូបគេបានប្តេជាប្រឹងប្រែងឲ្យខ្លាំងក្លាបំផុតបានជាប់ជម្រើស១១នាក់ដំបូងក្នុងក្លឹបថ្មីនេះ។ ស្វាយរៀងតែងតាំងគ្រូបរទេសថ្មីជំនួស សុំ វ៉ាន់ដេត ក្រោមហេតុផលនេះ កីឡាករអាយុ២៤ឆ្នាំនេះឲ្យដឹងថា ក្តីស្រមៃចូលរួមជាមួយក្លឹបធំបានសម្រេចហើយសម្រាប់រូបគេ ប៉ុន្តែរូបគេនៅមានក្តីស្រមៃមួយទៀតដែលចង់បានបំផុតគឺជាប់ជម្រើសជាតិកម្ពុជា។ «ខ្ញុំនឹងខិតខំប្រឹងប្រែងនៅក្លឹបព្រះខ័នរាជស្វាយរៀងដើម្បីឲ្យគ្រូបង្វឹកជម្រើសជាតិកម្ពុជាឃើញខ្ញុំ ហើយហៅខ្ញុំឲ្យចូលរួមជាមួយជម្រើសជាតិដែរ។ ក្តីស្រមៃធំបំផុតរបស់ខ្ញុំគឺចង់ជាប់ជម្រើសជាតិកម្ពុជា»។ វីដេអូហាយឡាយ ក្រុមខ្លាំងៗសុទ្ធតែឈ្នះ Europa League យប់មិញ សួន សុវណ្ណ យុវជនឆ្នើមម្នាក់របស់ក្រុមខេត្តស្ទឹងត្រែងដែលត្រូវបានលោក ស៊ុំ វណ្ណ ចាប់អារម្មណ៍ និងយកមកចូលរួមជាមួយក្រុមមជ្ឈមណ្ឌលកម្ចាត់មីនកម្ពុជាកាលពីឆ្នាំ២០១៥។ បន្ទាប់មកគ្រូបង្វឹករូបនេះបានមកដឹកនាំក្រុមវេស្ទើនក៏នាំកីឡាកររូបនេះមកចូលរួមដែរ៕

Wigan ថាបើអាចសុំគ្នា១៤នាក់លេងទល់ ១១នាក់របស់ Man City

Paul Cook បាននិយាយថាបើសិនជាអាចលោកនឹងសុំសហព័ន្ធបាល់ទាត់អង់គ្លេសឲ្យក្រុម Wigan លេងគ្នា១៤នាក់ ទល់នឹង១១នាក់របស់ Manchester City។

ការលើកឡើងបែបកំប្លែងរបស់អ្នកចាត់ការវ័យ៥០ឆ្នាំធ្វើឡើងមុនពេលដែលក្រុមទាំងពីរត្រូវប្រឈមមុខដាក់គ្នានៅការប្រកួត FA Cup ជុំទី៥ នៅថ្ងៃអង្គារសប្ដាហ៍ក្រោយ។ បុរសសញ្ជាតិអង់គ្លេសបានទទួលស្គាល់ថាក្រុមរបស់លោកនឹងជួបការពិបាកដែលត្រូវលេងទល់នឹង City ជាក្រុមល្អបំផុតមួយក្នុងពិភពលោក។ "វានឹងក្លាយជាការប្រកួតដ៏តានតឹងសម្រាប់ Wigan តែអ្នកពិតជាមិនអាចទៅលេងដោយគ្មានជំនឿថាខ្លួនអាចឈ្នះបានទេ។ ពួកយើងត្រូវតែប្រឹងប្រែង នឹងយកឈ្នះពួកគេ"៕

ដើម្បីបញ្ចៀសកុំឲ្យ iPhone X ដាមអេក្រង់ Apple ប្រាប់ដំណោះស្រាយ

មានករណីមួយចំនួននៅក្រៅស្រុកបានរាយការណ៍ថាអេក្រង់ iPhone X ជួបបញ្ហាឲ្យឈ្មោះ "Screen burn-in” ដែលសំដៅទៅអេក្រង់ដែលមានសភាពដាមនៃផ្ទៃរូបភាពចាស់ ថ្វីបើយើងបើកចូលរូបភាពថ្មីមួយទៀតក៏ដោយ។

តាមការបកស្រាយពី Apple ជុំវិញបញ្ហានេះ ថានោះមកពីធម្មជាតិរបស់អេក្រង់ OLED ប៉ុន្តែក៏មានដំណោះស្រាយចង់បញ្ចៀសមិនឲ្យកើតមានលើទូរសព្ទតម្លៃជាង ១ ពាន់ដុល្លាររបស់ខ្លួន។ ១.ប្រាកដថាអ្នកកំពុងប្រើ iOS ជំនាន់ក្រោយបង្អស់: ស្រដៀងនឹង Apple បានលើកឡើង អ្នកប្រើប្រាស់ចាំបាច់ត្រូវដើរតាមការវិវត្តនៃជំនាន់ប្រព័ន្ធប្រតិបត្តិដែលខ្លួនបានបញ្ចេញ ក្នុងគោលដៅពង្រឹងប្រព័ន្ធសុវត្ថិភាពនិងជួសជុលចន្លោះប្រហោងធ្លាប់កើតមានលើ iOS ចាស់។ ដើម្បីដំណើរការ Update អ្នកប្រើប្រាស់ត្រូវចុចចូលទៅ Settings > General > Software Update បើមិនឃើញអ្វីប្លែក មានន័យថាឧបករណ៍ឈរលើ iOS ក្រោយរួចជាស្រេច។ ២.ដាច់ខាតការប្រើពន្លឺខ្លាំងជ្រុល: អ្នកជំនាញបានណែនាំឲ្យអ្នករាល់គ្នាគួរទម្លាក់ពន្លឺនៃអេក្រង់ឲ្យមកនៅទាបល្មមឬប្រើប្រាស់មុខងារ Auto-Brightness ជៀសវាងការបើកពន្លឺខ្លាំងដល់អស់ ដែលក្រៅពីអាចជួបបញ្ហាអេក្រង់ដាម ទៀតសោតក៏ស៊ីថ្មសាហាវផងដែរ។ ៣.ប្រើមុខងារ Auto-Lock: ស្តាប់ទៅវារាងសាំញ៉ាំបន្តិច ដែលត្រូវបើកមុខងារច្រើនខុសពីការប្រើប្រាស់ទូទៅ ប៉ុន្តែក៏អាចទប់ស្កាត់លើភាពដាមនៃរូបជាន់គ្នា ប្រសិនអ្នកកំណត់មុខងារ Auto-Lock រយៈពេល ៣០ នាទី ដែលក្នុងឧបករណ៍បានចែងមកស្រាប់។ ចូលទៅកាន់ Settings > Display & Brightness > Auto-Lock។ +ដំណោះស្រាយភ្លាមៗបើជួបបញ្ហាអេក្រង់ដាម: